All terms in this list:

Snytande/insisors: Beitelvormige tande vir byt of knaag.

Webbe: Vliese tussen watervoëls se tone wat swem vergemaklik.

Konies: Vorm van ’n herbivoor voël se snawel(keëlvormig).

Spiermaag: Die spieragtige gedeelte van ’n voël se spysverteringskanaal waarin klein klippies help om voedsel verder te verteer.

Kliermaag: Die gedeelte van ’n voël se spysverteringskanaal wat verteringsensieme afskei om kos te verteer.

Krop: Die gedeelte van ’n voël se spysverteringskanaal waar kos tydelik gestoor en gedeeltelik verteer word.

Kloue: Naels vooraan diere se tone.

Mandibel: onderkaak

Maksilla: bo-kaak

Eksotermies: Diere wat se liggaamstemperatuur aanpas by die omgewing. Hulle is onaktief indien die temperatuur te laag word (koudbloedig).

Endotermies: Diere wat hulle liggaamstemperatuur kan handhaaf ongeag die temperatuur van die omgewing(warmbloedig).

Oogtande/canini: Keelvormige tande vir skeur en byt.

Voormalers/premolare: Tande met puntige knobbels om voedsel te maal en te kou. Het gewoonlik twee wortels

Malers/molare/ware kiestande: Groter tande as voormalers, het gewoonlik drie wortels.

Knaagtande: Lang beitelvormige snytande wat nooit ophou groei nie. Dit is sagter aan die agterkant sodat dit afslyt van agter na voor en dus altyd skerp bly

Diastema: Die opening tussen die snytande en kiestande by herbivore.

Retikulum/ kleinpens: Die gedeelte van die spysverteringstelsel van ’n herkouer waar gedeeltelik verteerde voedsel geberg word daarvoor weer na die bek gebring word om te herkou.

Rumen/grootpens: Gedeeltelik gekoude kos wat met speeksel gemeng is by herkouende diere beweeg na hierdie deel. Bakterieë breek die sellulose van plantselwande af.

Omasum/blaarpens: Gedeelte van die spysverteringstelsel van herkouers waar voedsel na herkouing fyngemaal word deur spierbewegings.

Abomasum: Melkpens waar soutsuur die bakterieë vernietig en ensieme die voedsel verder verteer. Terwyl ’n dier nog gesoog word loop melk direk na die melkpens.

Karnassiale tande: Gepunte, skerp kiestande waarmee vleis in repies “gesny” word by karnivore.